عالمى الإلكترونى

فيمتو محاولة للتزكيه عن معرفتى الإلكترونيه المتواضعه لعلها تفيد ،فالوعى الإلكترونى لازم لكل فرد فى المجتمع وليس حكر للمهندسين او المبرمجين



الفاير فوكس متصفح إلكترونى زى الانترنت اكسبلولر كده بس للأسف فى ناس كتير متعرفوش وناس مبتستعملوش انا بقالى اكتر من سنه بستعمله الأول استغربت شكله دلوقتى لأ استطيع التعامل مع الانترنت اكسبلولر إطلااااااقا .

الفاير فوكس متصفح مجانى ،مفتوح المصدر اى حد يقدر يساهم فيه ليه إضافات جامدة جدا بتفيد الاستعمال الشخصى وبتوفر وقت ومجهود كتير ،بعتبره عالم لوحده جوه عالم الكمبيوتر من كتر الإضافات الى بتوفر وقت ومجهود فيه .

هذكر بعض الإضافات الى بستخدمها ومريحانى جدا طبعا مش هقدر احصرها لانها كتيييييييييييييييييييييييييييير عايزين بلوج لوحدهم :P

fireshot :بتاخد اسكرين للبراوز وتعدل فيها كمان وتضيف بينات كمان


i Google sidebar: بتمكنك إنك تفتح فى الجمب صفحة i google


Google Notebook: بتمكنك انك تقدر تسجل اى جمله فى النوت بوك بتاعتك عن طريق اختيار لما تضغط كليك يمين

Gtalk sidebar:بتظهر الجى ميل بتاعك فى اليسدبار الماسنحير


Firebug اداة جباااااااااارة بتقف على اى جزء فى الصفحة وتديك الكود بتاعها واستفدت منها جامد فى تعديل التيمبلت بتاع المدونة لو حبيت اغير فونت او لون ومش عارفه مكانه فين فى الكود بتاع التيمبلت بستعمله


Greader:ايقونة صغيرة بتكون فى البراوزر بتقولى عندى كام موضوع جديد فى الريدر واضغط عليها ادخل على طول


Gtranslate:بتخلينى لو قابلت اى كلمة اجنبيه اقف عليها وكليك يمين اختار ترجمه يجيبلى الترجمه بتاعتها من جوجل


Gmail RTL:بتفتح الجى ميل مباشرة

Fast video :
تقدر تنزل فيديوها من يوتيوب عن طريقها

ِِAdblock plus :بتمنع ظهور الإعلانات غير المرغوب فيها


Open addons :بتمكنك تدخل لصفحة الإضافات مباشرة


Read it later : لو مرت عليك صفحة وعايزة تقرأها بعدين بتضغط على ايقونه بتحتفظ بالصفح دى فى فولدر مخصص فى المفضله بتاعتك


Tree style: بتفتح التابات بتاعتك فى الجمب على هيئه شجرة

Colorful tab: بتلون التابات الى انت فاتحها

Web Mail Notifier:
بينبهك على عدد الإيميلات الى متقرأتش ياهو وهوت ميل وجى ميل


طبعا دول مش كل حاجة دول أقل حاجة أنا بس كنت هكتبهم رد على محمود فى البوست الى فات وقلت طالما طول كده يبقا نخليها بوست ،وخد بالك ان المميزات الى انت قلتلها على المتصفح أفانت أغلبها شكليه مش جوهرية تفيد المستخدم وتزود الاستفادة الفعليه وتقليل الوقت والجهد لإنجاز مهمة ما بس ده ميمنعش إنى أجربه
:D

تحديث
نسيت أقلكم إن موزيلا فايرفوكس بتستعد لدخول موسوعة جينيس فى تحقيق الرقم القياسى لتحميل البرنامج فى نسخته الجديدة ولحد دلوقتى الناس الى سجلت فى الموقع إنها هتنزل البرنامج فى يوم التحميل للبرنامج أكتر من مليون ومصر لوحدها ألف وفكه للأسف لو تحبو تشاركو ده الموقع
وهما هيبعتو إيميلات للمشتركين أول ماالنسخه الجديدة تنزل

7 comments

  1. A.SAMIR  

    تعيشي وتفيدينا بمدونتك الالكترونية الرائعة
    تحياااتي

  2. آلام وآمال  

    تمام اوي يا هوندا تسلم ايدك
    انا لو كنت اعرف ان التعليق هيحفزك تنزلي البوست ده كنت كتبته من بدري
    :D

    بصي مبدأيا كده انا بحترم الفايرفوكس جداا
    بس زي ما قلتلك هي حكاية تعود
    ومع ذلك بردو معلش يعني
    كل المميزات اللي قلتهالك عن أفانت مفيش اضافات ليها على فايرفوكس لأنها حاجات اساسية في المتصفح نفسه
    ومعلش حتى لو كانت شكلية
    انا اهم حاجة عندي متصفح يوفرلي الراحة والسلاسة في الاستخدام

    مع العلم بإن كل الإضافات اللي قلتيها ومشكورة عليها والله ـ موجودة اساسي على أفانت من غير تنزيل يدوي .. بغض النظر طبعا عن استخدامات جوجل

    وطالما انتي اتكلمتي عن الجوهرية بقا
    عايز اقولك ان الفايرفوكس بيستهلك البروسيسور بشكل كبير جداا وده طبعا بيسبب قلق للناس اللي مواصفات اجهزتها متواضعة زي حالاتي

    بالنسبة لمخزن أفانت انا كاتب عنه موضوع كامل في عالم الكمبيوتر يا ريت تشرفينا فيها وتتعرفي عليه

    واتمنى انك تجربيه فعلا وتكتشفي بنفسك ميزة التعبئة الآلية كمان
    والله يا هوندا حاجة تحفة

    واجمل حرب هي الحرب اللي م النوع ده عشان الواحد يستفيد

    فلتكن الحرب إذن
    :))

  3. هوندا  

    A.SAMIR
    متشكرة اوى :))

    *********
    آلام وآمال

    هو فعلا انا عايزة اعمل بوست عن الفاير فوكس من زمان بس الكسل بقا هههههههه
    انا معاك ان التعود بيجيب كسل شوية بس احنا لازم نجرب ونشجع الى يستحق ،وبالنسبة لموضوع استغلال البروسيسور فتمت معالجة الموضوع ده فى النسخه الجديدة الى هتنزل قريب

    بس متنساش الى ذكرته ده أقل بكتييييييييييير من إمكانيات الفايرفوكس
    هجربه هجربه لا تقلق

  4. GeHaD-----(male)  

    ايه دا يا هوندا
    انا نزلت الفايرفوكس من ساعه ما قولتيلي
    مكنت اعرف انه فيه المميزات دي كلها
    يتفع كدا
    علي العموم شكرا جزيلا علي المعلومات الجامده
    ربنا يجعله في ميزان حسناتك

  5. هوندا  

    اللهم أمين ياجهاد

    هو فعلا جامد جدا وانت حاول تتابع عنه وهتعرف حاجات جامدة جدا
    :)

  6. Maha  

    أنا مثلا فيه صفحات بحتاج أعمل لها ريفرش على طول .. فبدل ما كل شوية أعمل ريفرش يدويا فيه خيار في الفايرفوكس بيعمل ريفرش كل كام ثانية وانت تختاري المدة

    ده خيار ظريف جدا

    وطبعا ال feeds وال tabs
    كانت ميزة فيه عن الاكسبلورر لغاية ما طلعت النسخة الأخيرة من الاكسبلورر

    وأجمد الجامد لو الكومبيوتر هنج أو رستر لما ترجعي تفتحي الفايرفوكس وكنت فاتحة كذا تاب فيه بيخيرك لو عايزة ترجعي الصفحات اللى كنت فاتحاهم :D

    وكمان لو قفلت تاب بالغلط أو قفلتيه وعايزة تفتحيه تاني عندك قائمة بآخر التابس المقفولة

  7. Maha  

    طبعا بجانب الadd on
    اللى بتخلي الدنيا وردي
    أنا مستخدمتش add on
    كتير بس مثلا جت فترة كنت بنزل الفيديوهات من يوتيوب عشان كده ضفت الadd on بتاعتها
    والثيمز طبعا
    على فكرة كان فيه خيارات كتير بس مش عارفه راحو فين ؟

    يظهر مع تحديث النسخة فيه خيارات اتسحبت منها ؟؟

Post a Comment

Post a Comment

ايه رأيك؟

Subscribe to: Post Comments (Atom)