فى نظرية ناس كتير ماشين بيها وللأسف أنا كنت واحدة منهم إنى أما أكون عايزة أتقن مهارة معينه بفضل أقرا عنها وأنزل كتب ومواقع وووووو
بعد كده بزهق لأنى مطبقتهاش عملى وكان عندى مشكله إنى مش عارفه إزاى أطبقها عملى فكانت النتيجة
قرأة +حماس---قرأه حماس أقل+قراءة +زهق +استوووووووب وأبطل القرأة خالص
وده الى حسيته انه تعلم من فوق لتحتاتكلم بشكل عملى
الصيف الى فات بدأت اتعلم فى موضوع الويب واتعلمت
html
وبعد ماخلصتها مبقتش عارفه أعمل بيها ايه أو ازاى اعمل موقع،
اتعلمت بعد جافا سكربت شوية ،ودخلت فى البى اتش بى شوية .
بس كل ده وأنا مش محددة هدف واضح أو بمعنى أدق محددتش فكرة تدفعنى لتعلّمهم لأان كان فى دماغى إنى لازم اتعلم الأول وأقرأ كتيييييير فيهم وبعد ماوصل للمرحلة دى اكيد هييجلى أفكار،والنظرية دى غلط لأنها منبثقه من التعليم الى بناخده .
لسه بقا من يومين الحمدلله ربنا هدانى لحل أفضل أفادنى جدا ، كان نفسى أعمل تيمبلت للمدونة بتاعتى بشغلى لأنى بضايق جدا اما اقعد أدخل مواقع أجنبيه أدور ع شغل ليهم احطه عندى مع انه مش مستهاهل وبسيط
ونفسى أعمل مدونة كاملة ليا
من كام يوم قررت أخوض فى المعركة وبدأت بالفعل أعمل المدونة يمكن لسه فى أول خطوة فيها ويمكن قدامى مدة طويله ع مااعملها بالشكل الى فى دماغى
بس اما بدأت فى الصفحة الرئيسيه كبدايه اتعلمت حاجات كتيرة جدا لأن كل ماتقف قدامى حاجة ابدأ أدور عليها وبكده تثبت + إنى بدأت أوظف الى بتعلمه بشكل عملى
من وقتها فعلا أقنتعت إننا عشان نتعلم حاجة لازم ندخلها بشكل عملى
حدد فكرة واضحه مشروع معين نفسك تعمله باللغه المعينه او المهارة بشكل عام وع أساسها تبدأ تتحرك وكل ماتتعلم حاجة روح صبها فى مشروعك الأصلى ولما تقف معاك هتروح تدور ع الحل
نفترض انك مش لاقى فكرة تعمل ايه؟؟
يإما تعمل بحث وتتعب شوية ع ماتوصل لحاجة وممكن بردو تسأل ناس اكثر خبرة فى السكه دى وتقوله هو انا ممكن اعمل مشروع ايه بكذا؟؟وبعد مايقلك روح تانى اعمل بحث وجمع معلومات أفضل وأكثر توضيحا
بجد دى أفضل طريقه تكتسب منها حاجة كفايه اما تيجى تتقدم لوظيفه توريهم شغل لك انت حتى لو شغل جماعى وأنت ساهمت فيه ،
ياريت نحاول نخلق أفكار عشان نتعلم صح ونطبق بشكل عملى ونبعد عن الكلام النظرى بس لأنك هتزهق وهتضيع وقت
ياجماعه مش عايزين نتخرج م الكليه واحنا معملناش حاجة
ونبتدى الطريق م الأول زى اى وحد عادى مستنى وظيفه الحكومة
لأ لازم نوصل لمرحلة ان الشغل الى يدور علينا مش احنا الى ندور عليه
كنت حابه انقلكم الفكرة دى إنك بدل مابتتعلم من فوق وتفضل تنزل وتنزل وتنزل لحد ماتقعد وتريح
إبدأ من تحت واطلع فوق خطوة خطوة لحد ماتوصل للهدف بتاعك
ابدأ وعينك على النهاية
June 14, 2008 at 4:03 PM
كل دا عشان الثيم
ههههههههههههههههه
فعلاً و الله معاكي حق
لازم الواحد يدخل في المشروع نفسه
بدل ما يعد يحوم حواليه
:)
وهتلقي في التدوينة الأخيرة عندي حاجه بنفس
المفهوم بس بشكل عملي
:D
June 14, 2008 at 4:28 PM
لااا طبعا
لانه ثيم جاهز بردو
بس منكرش انى بستفيد بردو لانى بعدل فيه كتير
لكن انا اقصد بوجه عام انك تعمل حاجة بتاعتك
June 14, 2008 at 5:55 PM
مبدئيا التدوينه دي من اجمد تدويناتك,
انا بردوا كنت بفكر زييك كدا , اقرء كتيير
الاول بعد كدا ابقي اطبق , جيت بصيت لقيت اني فعـلا , معرفش غير معلومات عن الحاجات الي انا بقراها لكن ابص للاسكربتات العملي , مفيش غير حاجات بسيطه جدا , ولسه مدرك من فتره قليله ان اما تكب الكود بايدك افضل ليك من انك تشوفه . بردوا اتبعت نظام البحث هوا ساعات بيطلع عينك بس بتبقي فرحان لما تجيب الحل , وبقوم ضايفه في ملف عندي عن المشكله وحلها وبكدا تثبت ومتطرش ابدا
شكرا ليكي علي البوست الجميل ده وان شاء الله كل الناس تطبق المببدء ده في شغلها خاصه ولو كانت بتتعلم حاجات تحتاج تطبيق - عمليه يعني مش نظريه -
June 14, 2008 at 10:47 PM
انا كنت بحاول اتعلم السي شارب قمت جبت كتب كتير من النت ولا فهمت ولا كلمه
لحد اما قالي لازم تشتغل بأيدك
وفعلا الواحد لما يشتغل بأيده ويغلط بيتعلم اكتر ولما بيوصل بيحس بنتيجه تعبه
تحياتي ليكي يا هنادي وبجد جزاكى الله خير علي اللي بتعمليه معانا
تحياتي
June 14, 2008 at 10:58 PM
لحد دلوقتي بقول
إني فعلا حاسة إن ممكن الطب يكون ممتع
وممكن اخرج من السنة فاهمة مش حافظة
وبطبق مش بفومت علي ورقة الاجابة و
خلاص
كل حاجة بالتطبيق بتدخل الدماع و متتنسيش
فاكرة جدا لما كانوا بيورونا الجهاز و نشتغل علية مكنتش بنساه
انما مهما قريت في جمل مكلكعة و حفظت فيها حتي لو فهماها ومطبقتهاش بعد ما تخلص السنةولا كأن فية حاجة
دة بالنسبة للتعليم
بس لسة عندي امل
....
بالنسبة للتعلم فعلا الواحد يحاول يعمل حاجة و يبدأ يبحث فيها عقبال ما يعرف ازاي دية و ازاي دية
وهتثبت اكتر من اي حاجة
...........
سلمت يداكي
سلامون عليكي
June 15, 2008 at 1:47 PM
بجد عندك حق ف كل كلمه
التعلم من تحت لفوق أحسن من فوق لتحت أويييي كده
مافيش أحسن من التطبيق والعملي والشغل بالايد
ربنا يكرمك يارب
June 15, 2008 at 11:42 PM
وانا موافق على الكلام الجميل ده
زميل جديد فى عالم المد ونات وتم اضافتك عندى
http://schritte.wordpress.com/
June 17, 2008 at 5:02 AM
موضوعك دا أصابني في الصميم .. لأني توًا مخلصة مجموعة دروس
html
وشغالة
css
وفعلا .. بقرأ وأطبق حبة على نوت باد .. وأشوف التغيير بس عايزة أعمل حاجة حقيقية تجمع كل اللي اتعلمته .. عشان كدا قررت حيكون مشروع التخرج بإذن الله ويب سايت..
وربنا يسهل
تحياتي لكِ:)
June 23, 2008 at 12:21 AM
من فوق لتحت او من تحت لفوق متفرقش
المهم الواحد يعرف قدراتة
و يوجها صح
فى المكان الصح
و الوقت الصح