عالمى الإلكترونى

فيمتو محاولة للتزكيه عن معرفتى الإلكترونيه المتواضعه لعلها تفيد ،فالوعى الإلكترونى لازم لكل فرد فى المجتمع وليس حكر للمهندسين او المبرمجين


فى إضافه حلوة قابلتها للفاير فوكس
بتساعدك وانت بتتفرج على اى أغنيه على يوتيوب انها تظهرلك الكلمات بتاعتها فى السيد بار وبتدورلك فى 9 مواقع مختلفه وكمان بيكون فى قائمه عن طريها تقدر تشوف الاختيارات وتحدد الأغنيه الى انت عايزها فى حالة إنها أغنيه انجليزى

بصراحة الخدمة عجبتنى جامد لإنى بسمع بقالى مدة أغانى لفريق مسلم امريكى اسمه
Native deen
وكنت بقعد وقت اعمل سيرش عشان أجيب الكلمات بتاعتها فالإضافه دى ريحتنى جامد

طيب الخطوات ايه بقا؟

1-أهم حاجة تكون شغال على متصفح الفاير فوكس لو مش عندك حمله من هنا

2-هتنزل اول حاجة
the Greasemonkey extension .

3-
هتنزل الاسكربت ده بس خد بالك انه مش هيشتغل قبل ماتنزل الامتداد الى فى الخطوة الأولى لأنه مبنى عليه
Install Script

عايز تتأكد إن الإضافة اشتغلت افتح يوتيوب وجرب على أى أغنيه وهتلاقى ظهر فى الجمب كلمة
وهتظهر زى الصورة كده
Lyrics

11 comments

  1. آلام وآمال  

    إضافة هايلة يا هوندا
    شوفي برغم ان الفايرفوكس متصفح جامد
    إلا إني اتعودت على أفانت براوسر وبصراحة فيه حاجات كتير مش لاقيها ف فايرفوكس

    بس ان شاء الله ابقا اجرب الإضافة دي

    جزاك الله خيرا

  2. GeHaD  

    تمام اوي يا هوندا
    انتي اللي خليتين انزل الفايرفوكس دا
    هو فعلا جامد جداا مع بعض التحفظات
    بس بجد اضافه رائعه
    تحياتي

  3. هوندا  

    آلام وآمال

    بصراحه انا مجربتش افات بس معتقدش انه هييجى جمب الفايرفوكس فى حاجة هههههههههههه
    لجانب ان الفاير فوكس اوبن سورس ومجانى وليه اضافات بالهبل لكل حاجة

  4. هوندا  

    GeHaD

    تحفظات!!!بالنسبه لايه بالظبط هههههههههههه
    دى الانترنت اكسبلولر ميجيش ضفره
    انت بس اتعود عليه واشتغل شوية كده وانت هتألفه

  5. آلام وآمال  

    مبدأيا كده يا هوندا انا مقتنع تماما ان المسألة تعود مش أكتر
    ومتفق معاك ان التعلب متصفح جامد وانا شخصيا بحترمه .. وخصوصا بعد ما أجبِرت على استخدامه لما اشتغلت بالليونكس وعرفت فيه مميزات كويسة إلى حد ما

    ولكن
    هقولك على شوية استخدامات في أفانت لحد دلوقت مشوفتهاش في متصفح تاني على الإطلاق

    أولهم واهمهم وافظعهم خاصية ـ مخزن أفانت ـ والمتفرد بيها المتصفح الرائد إلى الآن ـ على حد علمي ـ
    وطبعا بعض امكانيات الخاصية دي بتتعمل على جوجل
    في إضافة على فايرفوكس بتعمل القصة دي؟
    :)

    التعبئة الآليه .. اللي اقدر بيها بضغطة ماوس واحدة اسجل دخول على مواقعي المختلفة .. ودي خاصية توفر وقت كتابة الاسم وكلمة السر في اي موقع انا مشترك فيه .. ومن غير ما اعمل ـ التذكر التلقائي ـ زي اللي ف اكسبلورر والفاير وغيرهم واللي انتي عارفة انه بيعرض البيانات دي للسرقة

    في إضافة على فايرفوكس تعمل كده؟
    :))

    على أفانت لو مثلا واقف بالماوس على لينك في قايمة المفضلة .. أقدر بكليكة واحدة افتح اللينك ده في تاب جديد
    بدل ما اعمل كليك يميييين واوبن إن نيو تااااب
    في إضافة على فايرفوكس تعمل كده؟
    :)))

    كله كوم وحركات واستخدامات ازرار الماوس على افانت .. كوم تااني
    بجد حاجات مبهرة تخلي التصفح متعة
    ودي عايزة بوست لوحدها بجد لو حبيت اوضحها
    ((((:

    حاجة كمان صغيرة بس بتفرق بردو
    انا اقدر على أفانت بكليكة واحدة بردو انزل البراوسر كله في التراي ـ جمب الساعة ـ عشان افضي مكان على التاسك بار
    لسة لم اكتشفها على فايرفوكس لحد دلوقت
    :)))))

    حقيقي اللي سمى البرنامج ده بالمتصفح الرائد ـ لا فض فوه ـ
    :)

    بجد فيه حاجات فروق كتير مش فاكرها دلوقت

    وفي حاجة كمان معلش
    دلوقت متصفح الأوبرا يكاد يضاهي الفايرفوكس
    بس بردو تفضل نفس الحاجات اللي على أفانت مش عليهم هما الاتنين
    اتمنى بس انهم يصمموا افانت جديد يشتغل على ليونكس
    وانا حاليا ببعت فيد باك بالحكاية دي للمطورين

    تصدقي اني بضطر افتح الويندوز مخصوص عشان اشتغل بأفانت؟

  6. آلام وآمال  

    ينهار ابيض
    كل ده كلام
    ههههههه

  7. آلام وآمال  

    واحقاقا للحق يعني وعشان اكون منصف بردو
    عيب الأفانت الوحيد بالنسبالي دلوقت انه بيشتغل تابع للإكسبلورر اللي موجود على الويندوز
    انما فاير فوكس مستقل بذاته
    ودي تحسب له بردو
    يللا خليها علينا
    :D

  8. هوندا  

    مممممممممممممممممممممممم إنها الحرب

    بردو انا مجربتوش وهجربه عشان اطلع عيوبه ههههههههههههه كفايه انه مبنى ع الانترنت اكسبلور اععع يعنى

    بالنسبه للمخزن فانا مفهمتوش يعنى ايه؟
    انتظر البوست القادم

  9. 77Math.  

    واو !

    دا رأيي .. صحيح أنا حبيت فاير فوكس ..بس كدا إنتِ بتشجعيني أحبه أكثر !
    :-D

    شكرًا على الإضافة :)

  10. هوندا  

    الفايرفوكس يستاهل الحب ثم الحب ثم الحب

  11. radwa  

    بخ .. انا جيت
    بصي يا هوندتي انا جربت السكريبت ما اشتغلش معايا مش عارف ليه
    ----------
    نقطة اتنين تعليقا على الام وآمال اللي عندي ثقة 98% مش حيقراه لأن الموضوع من اكتر من سنة :D
    الافنت فعلا في مميزات حلوة اوي واهمها على الاطلاق انه بينزل في التراي ويبقى جنب الساعه .. لكن بردو الفايرفوكس من ناحية الكليك الواحد فهو مليان كليك واحد من الفيفوريت او من اي حته وحركاته مع الماوس كتيرة وزيها بالزبط زي الافنت المشكلة ان الافنت اول لما بيتسطب بيديك نظره عامة على الحركات دي والفايرفوكس لأ
    بس بصراحة انا بقالي حوالي سنتين ونص شغاله على فايرفوكس وهو برنامج رائع وسريع جدا ويكفي ميزه سطر المفضله اللي بمجرد انك تسحب التاب لغايه عنده يسجلها فيه ومن غير ما تدوش نفسك
    عاما هو مليان حاجات للصبح :)

Post a Comment

Post a Comment

ايه رأيك؟

Subscribe to: Post Comments (Atom)