عالمى الإلكترونى

فيمتو محاولة للتزكيه عن معرفتى الإلكترونيه المتواضعه لعلها تفيد ،فالوعى الإلكترونى لازم لكل فرد فى المجتمع وليس حكر للمهندسين او المبرمجين





يوم السبت الى فات كان الوورد كامب

كنت مستنياه بفارغ الصبر مش عارفه ليه ؟
يمكن لأن نوع جديد من الأحداث الى بنظمها فى الكات ,, يمكن لأنى حسيت إنه بدأ يظهر للعالم ان فى فريق اسمه كات وان المنصورة فيها ناس بيفهمو بالعند فى الناس الى كانت مفقوعه ان الوورد كامب فى مصر
حد منعكم تنظمو الحدث؟؟

ولا واحد كاتب موضوع ع منتدى انه اتبسط م اليوم يروح واحد يرد عليه ويقوله وخدت الهدايا ولا اخدوها هما !!!!
يخربي الحقد هو احنا مش متعودين على الهدايا ولا ايه
:D
وبعدين احنا بنعمل حاجات زى الهدايا فى الاسكوب ده احنا بنعمل كوفى بريييييييك وبوريو مجاناً
:P

المهم اليوم كان جميل وقاعة نادى الحوار كانت مريحة جداً وألوانه منعشة وحسيت ان التنظيم كان راقى جداً بإستنثناء الناس الى مبتركزش فى مكان واحد لكن ممكن نحلها قدام بأننا نقفل باب ونفتح بابا خلفى للخروج عشان الروشة

والى بسطنى ان فى ناس كتير غير متعمقة فى المجال والورد برييس حضرت
والسيشنز كانت مناسبة ليهم جداً ولى
وطبعاً من الحاجات الحلوة ان فى ناس حضرت من أماكن وبلاد مختلفة وانطباعهم كان كويس جداً

من الحاجات الظريفة الى دهشتنى جامد
Jane
ممثلة لشركة
automattic

إنها كانت جاية لابسة طرحة وجيبة طويلة وواسعه بجد استغربت جامد قلت فى سرى هما قالولها انها جاية السعودية ولا ايه ؟
:D
بس هيا بتقول انهم اقترحو عليها الموضوع فى الشركة ع أساس يكون فى نوع ألفة بينا
بس الظريف انها كانت لابسة جيبة أوسع من لبس بنات كتير فى القاعة
:D
اعتقد انها المرة الجاية مش هتيجى كده خالص
:D
لكن كانت حركة لطيفة جداً منها والطرحة كانت حلوة عليها بجد



من المضحكات المبكيات أن أغلبنا مكنش بيفهم كلام جان واضطر إبراهيم انه يترجملها زى المؤتمرات السياسية كده
:D

أنا فوجأت انى فهمت 90 % من كلامها بس اعتقد انها كانت بتتكلم بانجليزية بسيطة لكن قررت إنى لازم أحسن مستوى النطق والكلام أكتر لأنى مش بمارس الإنجليزى كتير وورارد ان الواحد يتعرض لمواقف كتير تحتاج منه التحدث والاستماع بإنجليزية صرف وبدون مترجم



الحضور كان جيد نسبياً احنا عملنا دعايا كتير لكن مش بإيدنا ولا عيب مننا ان ميحضرش كتير لأن ثقافة المؤتمرات العلمية والتقنية غير منتشرة فى المجتمع للأسف
حضرت اليوم ماعدا أخر سيشن للأسف لأنى كنت مرهقة ومريضة فى نفس الوقت فاضطريت اروح

قابلت فاطمة فى المؤتمر وكنت سعيدة جداً لأنى أول مرة أشوفها ولأنى بحب النوع ده من الشخصيات فى البنات
وأتمنى من الله أن يجمع بينا فى مشروعات مستقبلية لأنى افتقد الصداقات المحمسة بين أصدقائى وخصوصاً فى المجال التقنى.



وده من اتيشيرتات الى كانت بتتباع كل واحد وقع عليه عشان يوصل ل
Matt Mullenweg
مطور الورد بريس

أتمنى اننا نقدر ننظم أحداث عالمية كتير عشان ناخد ثواب الشعب الغلبان ده
:D

دى الفيديوهات

وده محتوى المحاضرات

ودى صور لليوم فى شكل فيديو


ومن اللذيذ إن جريدة ألو كتبت عننا



ولو حضرت ياريت تعمل فيدباك

5 comments

  1. Butterfly  

    انتى سمعتى عن جريده ألو دى قبل كده
    أنا أول مره أعرف ان فى جريده بالاسم ده :D
    بس فرحت جدا لما شوفتها
    وصلنا للعالميه يا جدعان لووووووووووول

    أنا برده بصراحه احترمتها جدا باللبس اللى كانت لبساه ده
    ربنا يهديها ويهدينا :)

  2. MohmdFthy  

    ماشاء الله
    شكله كان يوم جامد فعلا
    تمنيت اني في مصر علشان أحضر
    بعد اذنك احط رابط للموضوع ده على مدونتي
    وفقك الله

  3. FTM  

    حلوة حركة التوقيع على التيشرت دى ;) على فكرة الحضور كدة تمام اوى بالنسبة لان المكان برضة مش فى العاصمة بس انا اول ما جيت كانت القاعة شبة ممتلئة يعنى معقول جدا ...

    انا كمان سعيدة بمعرفتك يا هنادى و ان شاء اللة صحاب للأبد ;)

  4. عمرو فهمي  

    السلام عليكم
    أحب أولا أهنيكي على مدونتك الجميله فى موضوعاتها واسلوبك السهل

    ثانيا أحب أضيف ملاحظة صغيره بخصوص جريدة ألو
    كان جالس بجواري فى المؤتمر صحفي من هذه الجريده وجاء من القاهرة مخصوص لتغطية الحدث

    مبرووك لكل الشباب المنظم لهذا الحدث هذا النجاح الرائع وننتظهرهم فى 2010 بأذن الله

  5. تغطية تفصيلية لمؤتمر Wordcamp egypt 2009  

    http://anaas.blogspot.com/2009/04/wordcamp-egypt-2009.html

    [...] اليكم التغطية الصحفية لمؤتمر Wordcamp egypt 2009 و الذي اقيم في نادي الحوار بمدينة المنصورة و لاول مرة يقام في مصر بعد انعقاده في دول اخري و كان يوم السبت الموافق [28/3/2009] و قد اشرفت علي تنظيمه و الاعداد له فريق Depiak بأسرة CAT بجامعة المنصورة [...]

    شكرا علي التدوينة

    و انا برده كنت فاهم شوية حاجات بس لما بنجو بدأ يترجم بدأت افهم اكتر

    بس زي ما محمد صفوت قاللي

    ان احنا كلنا لازم نتعلم من اول موقف احتكينا فيه باجانب لقينا لغتنا الانجليزية لازم تتحسن اكثر
    كسماع و كمحداثة مش مجرد قراءة و كتابة فقط
    و انا نويت ابدأ اقوي نفسي في الانحليزي اكتر في الاجازة ان شاء الله
    و شكرا

Post a Comment

Post a Comment

ايه رأيك؟

Subscribe to: Post Comments (Atom)