عالمى الإلكترونى

فيمتو محاولة للتزكيه عن معرفتى الإلكترونيه المتواضعه لعلها تفيد ،فالوعى الإلكترونى لازم لكل فرد فى المجتمع وليس حكر للمهندسين او المبرمجين


Freelancer

لفظ مشهور فى عالم الكمبيوتر , المقصود بيه انك بتشتغل من البيت من غير ماتنتمى لشركة معينه وتلتزم بيها لأ انت بتشتغل بالمشروع أو بالقطعه ومميزاته طبعا كتير إنى أقدر اشتغل م البيت وفى أى مكان فى العالم والفلوس بتجيلى لحد عندى

فى مواقع كتير بتوفر شغل بالطريقة دى ودى م الحاجات الى ناوية استمر فيها لأنها هتناسبنى جداً إنى اشتغل م البيت ولانى بصراحة مبيعجبنيش إدارة أغلب الشركات المصرية الى شغاله فى المجال الإلكترونى

نسيت أقول ان المشروع الواحد فى السايت بيقدم عليه اكتر من شخص الفرق طبعا بيكون فى السعر وجودة الشغل وده دافع كافى جداً إنك تحاول تبدع على قد ماتقدر

دى مواقع مشهورة لتوفير وظائف فى مجالات كتير البرمجة والتصميم أشهرهم

Getafreelancer

scriptlance

ifreelance

Project4hire

7 comments

  1. Encrypted  

    جميل جدا ,, اول مرة اعرف ان في مواقع خاصه للfreelancer

  2. كريم عبد المجيد  

    كويس اشتغل بقي قبل ما اتخرج :D

  3. جعلوني مريض نفسيا  

    كل عام وأنت والأسرة والأمة الأسلامية بخير

    مجهود رائع جزاك الله خيرا

  4. هوندا  

    Encrypted

    دده عالم تانى فى مواقع كتير حاول تتابع


    *************

    كريم عبد المجيد

    اكيد وفرصة جيدة جداً إنك تتدرب من خلال الشغل ده

    *************

    جعلوني مريض نفسيا

    كل عام وانت بخير

    جزاك الله مثله

  5. S_A_S_O  

    هو فعلا موضوع الفرى لانسر جامد جدا بس المشكلة انه مش بالسهولة اللى الناس متخيلاها شوية
    لأنه فعلا بياخد وقت على بال ما تخدى ثقة من الناس اللى بتتعامل معاكى على النت

  6. Maha  

    يا سلاااام

    أهو أنا بدور على المصطلح ده م الصبح

    أنا عايزة أشتغل كده إن شاء الله

    بس بصراحة أنا رغم دراستي حاسة إني مبتدئة في كل حاجة في مجال الكومبيوتر .. فمظنش حعرف أجيب شغل من المواقع دي

    أنا عايزة كده شغل من معارف أو أصحاب وكده

    بس ظريف ظريف .. جزاكم الله خيرا .. المدونة روعة

  7. MMF  

    جميل جداااا
    انا اشتغلت فرى لانس من شهر
    ومن البيت
    وشغال براحتى
    وبالقطعة والفلوس توصل لغيت البيت

    ربنا يوفقك

Post a Comment

Post a Comment

ايه رأيك؟

Subscribe to: Post Comments (Atom)