عالمى الإلكترونى

فيمتو محاولة للتزكيه عن معرفتى الإلكترونيه المتواضعه لعلها تفيد ،فالوعى الإلكترونى لازم لكل فرد فى المجتمع وليس حكر للمهندسين او المبرمجين


بقالى اسبوع حاسه انى بجرى ورا الكمبيوتر نزلت وندز وبعدين كل البرامج اتضربت بسبب الفيروسات اللذيذة وتيجى تنزل اتنى فيرس ذل ع ماتلاقى وحاجات كتيرة ملخبطة خلتنى اضطر انزله تانى بعد مانزلت اللينكس
ان شاء الله لازم اشترى وندز أصلية عشان إخواتى وعشان الدراسة بردو

طبعا الأبونتو اختفى بعد مانزلت الوندز

دورت ولقيت طريقتين الاولانية عن طريق برنامج

والتانية عن طريق بعض الاوامر بتتكتب فى التيرمنال عادى
وانا بقا مكنتش عارفه اكتبهم منين افتكرت ان الاختيار ده هيظهرلى أول ماحط اسطوانة الأبونتو زى الفيدورا مثلا او إنى هلاقى اختيار يصلحلى الموضوع زى المندريفا مثلا
 المفروض اشغل الأسطوانة لايف عادى وادخل على التيرمنال واكتب الأوامر دى

sudo grub
find /boot/grub/stage1
root (hd?,?)
setup (hd0)
quit
sudo reboot
 
شكرا
الحمدلله الموضوع اشتغل واتظبط البوت لودر بس لسه عندى مشكله النت
:(

12 comments

  1. Anonymous  

    Regarding your internet problem. Open a terminal and try this:

    sudo gedit /etc/modprobe.d/aliases

    change this line: alias net-pf-10 ipv6
    to this: alias net-pf-10 off

    Save the file and reboot

  2. Anonymous  

    بالنسبه للانتي نت كت , نزلي الاسكربت من عند احمد سليمان
    وفكي الضغط بتاعه جوا فولدر الـ
    Home
    بعد كدا خشي جوا الملف الي اتفك ضغطه الي اسمه
    antinnetcut2
    وجواه تلات ملفات وفولدر , الي يهمنا هنا ملف البايثون الي اسمه antinetcut
    والامتداد بتاعه
    .py يعني ملف بايثون
    افتحي بقي بعض كدا الترمنال وادخلي عن طريقه علي المسار بتاع الفولدر الي انتي فيه
    واكتبي
    sudo python antinetcut.py
    sudo : عشان الاسكربت عايز صلاحيات المستخدم الجزر عشان يشتغل
    python : مترجم البايثون الي بيُستخدم لترجمه وتشغيل اسكربتات البايثون
    antinetcut.py: سكربت البايثون الي احمد سليمان كاتبه
    لمنع فصل النت .
    اكتبي بعد كدا الباسورد بتاع المستخدم الي انتي داخله بيه للنظام دلوقتي , وهتلاقي الاسكربت اشتغل باذن الله ومفيش مشاكل , ولو ظهر ايرور او حاجه قوليلي وانا موجود ان شاء الله

  3. هوندا  

    @Anonymous

    متشكرة جدا بجد انا جربته ولسه محصلش حاجة هشوف بقيت اليوم ايه النظام لانه كده كده بيكون موجود الصبح يامسهل

  4. هوندا  

    Mutati0N

    انا شغلته الحمدلله :)
    بس عايزة اعرف هو انا كل مافتح الجهاز لازم الخطوات دى مش كده؟
    ولا هو هيشتغل لوحده؟

  5. Anonymous  

    لا كل ما تفتحي الجهاز لازم الخطوات دي بس في طريقه نخليه يشتغل لوحده اول ما النظام يشتغل :
    Applications >> System >> Preferences >> Sessions
    هتلاقي جوا البرامج والخدمات الي بتشتغل اول ما النظام بيشتغل ,الي علينا ان احنا نضيف الاسكربت في اللسته دي عشان يشتغل معاهم كل ما يشتغلوا .
    دوسي علي كلمه
    Add
    في خانه الاسم اول واحده اكتبي مثلا
    AntinetCut
    التانيه دوسي علي
    Browse
    واختاري الاسكربت بتاعنا
    الخانه التالته بقي بتاعت الكومنت ممكن تحطي فيها اي عباره مثلا
    Say Goodbye to ARP Spoof
    وبعد كدا اوك , هتلاقيه اضاف للسته وجنبه علامه صح , ومع كل تشغيل للنظام هتلاقيه اشتغل .

  6. Mariam Ali  

    Nice topic

  7. هوندا  

    Mutati0N

    متشكرة اوى ياكريم عملته خلاص والحمدلله انهردة المشكله مظهرتش من الصبح وقت قياسى يامسهل

    Good by for net cut :D

  8. هوندا  

    thanx mariam

  9. Anonymous  

    اي خدعه :D

  10. هوندا  

    منتخدعش
    :D :D

  11. Anonymous  

    ازيك يا هنادي
    كويس ان في حد بيستفاد من موضوعاتي و خصوصا الزمايل.
    لو مش عاوزه تضيفي الاسكربت للاسترت اب ممكن تعمل الاتي
    cd
    mkdir bin
    nano anti
    sudo python ~/bin/anticut.py
    و احفظي الملف
    chmod x anti
    و بعدين انسخي الاسكربت جوه الفولدر
    bin
    و بعدين
    cd
    nano .profile
    و حطي الامر ده اخر الفولدر
    if [ -d "$HOME/bin" ] ; then
    PATH="$HOME/bin:$PATH"
    fi
    و الشل اسكربت ده بسيط بيقول للنظام انه يحط الفولدر
    bin
    للفولدرات اللي بيدور فيها علي الاوامر
    و بكده كل ما تحبي تشغلي الانتي نت كت
    اكتبي
    anti
    و بعدين الباصورد
    ممكن تكوني الطريقة غبية شوية بس انا بحبها و بستخدمها من زمان لانها نتاج لدروس الشل اسكربت اللي كنت بديها لنفسي
    :)

  12. هوندا  

    Amaiko

    الحمدلله تمام اهلا بك
    ربنا يجازيك خير عنا ياسيدى
    لا هو فى الحقيقه انا كنت عايزة اضيفه عشان مشغلوش كل مرة
    لكن شكرا ع اى حال لما احب اشيل حاجة هكون عرفت الطرقه

Post a Comment

Post a Comment

ايه رأيك؟

Subscribe to: Post Comments (Atom)