عالمى الإلكترونى

فيمتو محاولة للتزكيه عن معرفتى الإلكترونيه المتواضعه لعلها تفيد ،فالوعى الإلكترونى لازم لكل فرد فى المجتمع وليس حكر للمهندسين او المبرمجين


الجى ميل اختصار ل
Google Mail

وده ميل زى الهوت ميل والياهو ،خدمة من شركة جوجل ،بمجرد انك تمتلك واحد عليه تقدر تدخل لكل خدمات جوجل زى
Blogger,Greader,NoteBook,........etc.

عشان تعمل ميل عليه بتدخل على الموقع وهتختار إنشاء حساب وتملى البيانات المطلوبه



لما بتحب تعمل شات مع اصحابك الى ع الجى ميل فى طريقتين :

انك تعمل شات من الميل نفسه
او
Gtalk :وهو ماسنجير بسيط مجانى بتفتحه عشان تكلم حد ضايفه ع الجى ميل

طبعا الجى ميل امكانياته كويسه جدا وبيعتمد على احدث التقنيات زى الاجاكس، إلى جانب بعض الخصائص الى بتخليك تنظم الايميلات زى:
  • Draft:زى الى فى البلوج كده بتخزن الإيملات ودى ميزتها انك لو بتبعت ميل والنت فصل او الكهربا قطعت او اى عطل حصل هتلاقى الميل الى انت كتبته متخزن
  • Starred:بتحط نجمه يعنى على الإيميلات المفضله
  • Labels:بتكتب عناوين للإيميلات زى تقسيمه كده عشان لو احتجت ميل من حد معين تدور عليه باسمه وتقلل وقت
  • Chats:لانك ممكن تشات من جوه الميل ،فلو حبيت انه يحفظ المحادثات دى هتتخزن على الميل وتقدر تشوفها بسهوله انك تضغط ع الاختيار ده
وطبعا الاختيارات التقليديه الى فى الايميلات التانيه
-
ممكن تحط بدج فى البلوج بتاعك زى الى عندى كده فى السيدبار

عشان زوار البلوج او الموقع بتاعك يكلموك بسهوله لما تكون اونلاين عن طريق
اللينك ده
هيطلب منك الايميل بتاع الجى ميل طبعا
:D
سجل دخول وهتلاقى الكود ظهرلك على طول خده وحطه فى البلوج

دى كانت جوله سريعه ع الجى ميل واكيد هنرجعله تانى كتبر

4 comments

  1. Rehab Mostafa  

    شوفتييييي مش انا قلتلك هما يوميين وهلاقيكي منزله بوشت جديد
    عملتي ايه في الامتحان طيب ؟

    على فكره أنا بحترم الجوجل ميل أوي لاكن الجوجل تاك مش بحبه علشان بسيييييط أويي ... لكن كل حاجه خفيفه ولذيذه في الجوجل ميل يعني

    وكفايه بقى قرايه في التعليق بتاعي وروحي ذاكري برضه :P

  2. هوندا  

    والله يابنتى حاولت اكسر كلامك بس مقدرتش ههههههههه الحمدلله كل خير

    بصى هو جوجل ميل عموما معمول عشان الشغل والحاجات المهمه مش الكلام الفاضى الى فى الماسنجيرات التانيه الى بتضيع وقت دى :)

    ماشى يارحاب ليكى يوم

  3. Anonymous  

    بوست جميلة

    فعلاً الجي ميل ممتاز جداً

    من ابسط و أكتر الشركات احتراماً

    في خدمات البريد الإلكتروني

  4. هوندا  

    فعلا :)

Post a Comment

Post a Comment

ايه رأيك؟

Subscribe to: Post Comments (Atom)